"trafficu" c'è
Mpari Ginu da Lardia
quannu turna da campagna
trova u vigili ca santia
"a destra,... e u Signuri t'accumpagna!!!"
Gira e si trova a Via Spagna
ma a o iri in Bulgaria
Curva, ota, tira, arragna
e si trova n'Tunisia
"Maliritta a petri i Pia,
i ca s'arriva in Gran Bretagna"
"Scusati, Signura Rusulia,
sugnu giustu pa Via Lavagna?"
"Santi Martiri da Batia,
ma sugnu ancora a Via Romagna,
ora pi iri na zona mia
a e girari da strada a Gna Gna?"
"Ora pigghiu sta strada scusagna,
forsi arrivu ni m'a zia"
"Nooo, Santa Ricotta na cavagna,
a e turnatu a la Lardia!!!!".
Sortino, 5 Aprile 2012