Spero di fare cosa gradita agli amici del forum, trascrivo la poesia dedicata alla Nostra Patrona Maria SS. del Bosco, scritta nel 1971 dall'allora custode del Santuario "fra Rosario" ,al secolo Antonio Caldarella di Avola che per alcuni anni risiedette in una delle celle del convento del Santuario ,ormai , crollato:
A Maria SS.del Bosco Patrona di Buscemi
Buscemi c'avi a Vui Matri Divina
Maronna di lu voscu vi Chiamati
notti e ghiornu i vostri figghi assistiti
cu amuri ranni Buscemi vardati.
Siti miraculusa veramenti,
Vergini bedda amabili e clementi,
Vui rifuggiati tutti i peccaturi
l'anima ca vi preia pinitenti.
Quannu ri notti sona la campana
e idda sona cun vuci tunanti;
ogni pirsuna vicina e luntana
si raccumanna a Vui Matri amanti.
Maronna ri lu voscu vi chiamati,
ca ni li manu lu Bamminu aviti.
Accantu a chiesa unni Vui abitati,
na funtanedda d'acqua frisca aviti.
St'acqua è la miricina re malati;
cu si la vivi cu firi d'amuri,
Vui lu sanati di li so maluri.
Paisani e furisteri fannu voti,
e di luntanu venunu i divoti
circannu grazi, a Vui Matri divina
e i grazi cunciriti allura allura
o Patruna di Buscemi Imperatura!...
Poesia in dialetto siciliano,in onore di Maria SS. del Bosco di Buscemi (Siracusa) fatta dal Custode dello stesso Santuario.
Antonio Caldarella
Buscemi li, 4 - 3 - 1971