ParaParlando il forum degli iblei
Comuni Zona Montana Iblea => Sortino => Topic aperto da: Francesco Di Mauro - 18:17:20 pm, 14 Settembre 2013
-
"U Cumizziu Fora'ttempu"
A ra sintutu sta storia... mpari Pippu?
ri stu cumizziu novu di dumani?
rici ca u zu Janu e u zu Filippu,
pi fari n'pocu i chiurma...portunu i cani.
Sarà n'cumizziu ri discursi strani,
unni si cerca d'arattari u lippu,
di liggi,riscussioni,amicizzi, arcani,
ma a fini quaccunu a finiri sutta o ccippu.
N'autra cosa ca a mia mi pari nu n'ghippu,
è ca nun è unu ca parra di cosi paisani,
ma pinsati su tri, si tri... m'pari Pippu,
pi parrari d'aieri, di oggi e di dumani.
U primmu parra di commu pigghiari i serpi ne tani,
e senza farisi addunari...Pippu,
scacciarici a testa e ittalli luntani,
robba di cacciaturi fini...mancu i cani ro zu Flippu.
Si parrerà ri sordi a trasiri e sordi a sciri,
di commu ammanca di l'acqua n'zin'o sali,
di n'sinu a quali puntu s'arriva a mintiri,
p'arristari niputi ri cucinu i generali.
No cumpari, nun zu cristiani mali,
nun ni volunu n'prugghiari pi piaciri,
itri ni ricunu a viritati, tali e quali,
" E no frati miu, è accusì... chi cia ra diri?"
"Na si cumpari miu iu vi vuliva riri
ca iu...n'somma nun sugnu certu n'cani sciotu
ebbeni... a fini iu vullissi sapiri
...eccu... nui, di sti tri, ..a cu a ma dari u votu?"
Sortino, 14 Settembre 2013