SANTA SUFFIA E SAN CANONICU
Pi sta festa di la Santa,
st'annu c'è na rivoluzioni
n'Santu novu c'è....e canta
vattiu, cresima e Strema unzioni.
E' n'Santu di nova cuncizioni,
e cu u canusci nun si n'avanta,
arriva a finitura.. e n'cuncrusioni,
a primma vista, unu co viri...si scanta.
Ma p'aviri du Santi...nun ci su eccezzioni,
ci voli n'portafogghiu ca balla e canta,
e dunqi, nenti bummi,fochi,,lazzi, cotiglioni,
mancu vistiti novi, "e cu s'accattatu?"... "sa chianta"
Di Napuli veni stu Santu campioni
stannu ci fu data libbirtà e largasia,
San Gennaru, ca nun è n'Santu di nova istituzioni,
roppu co ntisi... ci resi u fogliu i via.
A Sciurtinu,si propriu ca si fici mannari,
si scartau npaisi misu a diunu
"unni peggiu c'è, u picca cumpari"
sicuru ca du Santi, aiutunu megghiu di unu
A povira Santa, pi st'annata,
ci'attocca fari n'pocu ri pascienza
nunn'hana fattu pi mali... sta pagghiazzata
"Viva u paisi i San Canonicu!!" "E Santa Suffia?" N'pinitenza!!
Sortino 31 Agosto 2012